OPSA Nuusbrief 2–2026

Geagte OPSA-ouers,

2026 het op ’n uitsonderlik sterk noot afgeskop.

Ons het nie hierdie vlak van belangstelling in tuisonderrig verwag nie, en gevolglik is ons oorweldig met WhatsApp-boodskappe, e-posse, telefoonoproepe en nuwe registrasies.

Teen Vrydagmiddag het ons gehad:

  • 95 onbeantwoorde WhatsApps
  • 610 onbeantwoorde e-posse
  • Byna 200 uitstaande registrasies

Ons vra omverskoning vir die vertragings. Baie dankie vir u geduld. Oor die naweek het ons hard gewerk om agterstande in te haal, en alle registrasies wat tot Vrydagmiddag ontvang is, is nou verwerk. Ons uitstaande volumes het verbeter na:

  • E-posse: af na ongeveer ±260
  • WhatsApps: af na ongeveer ±85

Dringende ondersteuning (Ondersteuningsure)

Indien u saak dringend is, kontak ons asseblief via WhatsApp oproep of skakel ons landlyn.
Ons sal u so gou moontlik help binne ondersteuningsure:

Ondersteuningsure

  • Maandag tot Donderdag: 08:00–14:00
  • Vrydag: 08:00–12:00

Kontakbesonderhede

  • Landlyn: 011 083 5099 
  • WhatsApp-ondersteuning: +64 274 644 903

Alternatiewe Wiskunde: oplaai-vertraging (Graad 4–6)

Weens die hoë volume navrae en registrasies kon ons nie die Alternatiewe Wiskunde-inhoud vir Graad 4–6 betyds oplaai nie. Ons gaan hierdie week hulpbronne hieraan toewys, en teen Vrydag behoort die eerste drie weke se Alternatiewe Wiskunde opgelaai te wees.

Gereelde vrae:

1) Hoe registreer ek my kind vir Kodering en Robotika?

Vanaf 2026 word Kodering en Robotika as ’n afsonderlike vak aangebied (Vlakke 1–6 is tans beskikbaar). Ons rol Vlakke 7–9 later in die jaar uit.

Indien u kind nog geen blootstelling aan Kodering en Robotika gehad het nie, stel ons voor dat u by Vlak 1 begin en stelselmatig opwerk totdat die vlak by u kind se vermoë en graadvlak pas.

Wat om vir ons te stuur (WhatsApp of e-pos):

  • Leerder se naam en van
  • Leerder se graad
  • Die versoek: “Registreer asseblief my kind vir Kodering en Robotika.”

Sodra u kind geregistreer is, sal die vak op die leerder se profiel verskyn. Wanneer ’n leerder ’n vlak voltooi, laat weet ons asseblief—ons doen dan ’n kort assessering en open/registreer die volgende vlak.

2) Wanneer kry ek die DBE-vorm terug wat ek ingestuur het?

Weens die buitengewone hoë aanvraag is ons tans oorweldig, en dit kan 2–3 weke neem voordat alles weer normaliseer. Ons sal DBE-vorms so vinnig moontlik verwerk en beoog om dit waar moontlik voor einde Januarie terug te stuur.

3) Wat is die “Alternatiewe Wiskunde” waarvan julle praat?

Alternatiewe Wiskunde is ’n alternatiewe volgorde en struktuur vir Wiskunde, maar dit dek steeds dieselfde CAPS-uitkomste. Die hoofvoordele is:

  • ’n Duideliker, gestruktureerde progressie van konsepte (in ’n ander volgorde waar dit help)
  • Ouer-toegang tot antwoorde (om merkwerk en daaglikse ondersteuning makliker te maak)
  • Kort konsep-toetse/vasvrae na kernkonsepte om begrip te bevestig

Hierdie toetse is formatiewe assesserings (oefen-/kontrole-toetse) en tel nie vir die rapport nie. Nadat ’n leerder dit voltooi het, kan hy/sy weer teruggaan na die toets, foute identifiseer en die regte antwoorde sien. Ons leer almal uit ons foute.

4) Hoe werk die nuwe ledegeldstelsel?

Ons het die maandelikse ledegeld verlaag van R290 na R275 per kind per maand indien dit via ’n outomatiese PayFast herhalende (recurring) intekening betaal word.

Wat gebeur volgende:

  • In die laaste week van Januarie stuur ons vir u ’n PayFast-skakel.
  • U keur dit eenmalig goed, en daarna sal die ledegeld outomaties elke maand op die datum wat u kies (of ’n ander ooreengekome datum) afgaan.
  • Die skakel is vir twee weke geldig. Indien u dit nie binne twee weke goedkeur nie, stuur ons vir u ’n faktuur om soos gewoonlik per EFT te betaal (teen die standaard tarief).

5) Wat as ek vir die hele jaar vooruit wil betaal?

Indien u jaarliks wil betaal, WhatsApp ons asseblief en ons sal ’n faktuur uitreik:

  • R3 000 vir 2026, of
  • R2 700 (10% afslag) indien betaal voor einde Januarie, insluitend assesserings (waar van toepassing).

6) My profiel is geblok—wat moet ek doen?

Indien u profiel weens agterstallige ledegeld geblok is, stuur asseblief ’n e-pos aan die Reactivation Team: reactivation@opsasupport.co.za

Hulle is byna klaar met hul agterstand. Hulle sal vir u ’n voorstel/ooreenkoms stuur; sodra u dit aanvaar, sal hulle die toegang onmiddellik heraktiveer.

7) Wanneer ontvang ek my R300 verwysingskrediet?

Baie dankie vir die verwysings—OPSA kan net volhoubaar en bekostigbaar bly as ons genoeg lede het. Baie van die verwysde lede is tans binne die twee-week proefperiode. Die krediet word toegeken na die eerste suksesvolle betaal-siklus van die verwysde lid.

8) Ek sien geen antwoorde onder die ouer-login nie

Antwoorde word op ’n uitrolbasis geïmplementeer. Weens die hoë volume ondersteuning en registrasies is ons tans effens agter. Ons huidige prioriteit is:

  1. Alternatiewe Wiskunde (Graad 4–9)
  2. Natuurwetenskappe en Tegnologie (NWT)
  3. Ander vakke daarna

9) Ek kan nie met my ouer-gebruikersnaam en wagwoord inteken nie

Ons het ’n probleem met die registrasie van ouers geïdentifiseer. Ons sal dit gedurende die komende week regstel, en u sal ’n nuwe e-pos ontvang met die korrekte ouer-inlogbesonderhede (gebruikersnaam en wagwoord).

Weereens baie dankie vir u geduld en samewerking. Ons waardeer die konstruktiewe terugvoer en die ondersteuning aan die OPSA-span terwyl ons saamwerk om u kind se leer in die beste belang van die leerder te ondersteun.

Opvoeding is ’n proses en nie ’n destinasie nie.
(Education is a process, not a destination.)

Vriendelike groete,
OPSA Ondersteuningspan