Geagte OPSA-ouers/voogde/tutors,
Welkom by Kwartaal 2 van 2026.
U kan ons voorgestelde skedule hier sien: https://opsa-education.com/schedule. Onthou asseblief dit is slegs ’n voorstel—elke leerder werk teen sy/haar eie tempo, en gesinne volg die skedule wat die beste by hul omstandighede pas.
Hierdie is ’n belangrike kwartaal, en ons fokus op:
- Verdere uitrol van antwoorde oor verskeie vakke
- Voortgesette stelselverbeterings om u te help met effektiewe tuisonderrig
1) Oplaai van daaglikse werk vs. assesserings
Onthou asseblief dat OPSA nie die dag-tot-dag werk merk nie. Daaglikse oplaai is hoofsaaklik vir rekorddoeleindes. Baie ouers kies om hul eie rekords te hou, en as u dit verkies, hoef u nie die dag-tot-dag werk op te laai nie.
Kwartaal-einde assesseringsaktiwiteite moet opgelaai word vir die rapport, aangesien dit deur OPSA gemerk word.
2) Rapporte en merietsertifikate (insluitend Kwartaal 1)
Sodra u kind se assessering gemerk is en die punte op die stelsel vasgelê is, sal die rapport onmiddellik beskikbaar wees aan die einde van die assesseringsproses.
Dit geld ook vir die Kwartaal 1-rapport—gaan kyk asseblief daarna as u dit nog nie gedoen het nie.
Indien u kind 80% of meer behaal het, sal ’n merietsertifikaat ook beskikbaar wees. Let asseblief daarop: die sertifikaat word eers beskikbaar nadat u die rapport afgelaai het.
Hoe om die merietsertifikaat te sien (indien van toepassing):
- Laai die rapport af.
- Gebruik die blaaier se terug-knoppie (bo links) om terug te gaan na die Rapport & Sertifikaat-afdeling.
- Besigtig/laai die merietsertifikaat af (indien van toepassing).
3) Daaglikse werkkaarte bly belangrik
Die feit dat OPSA nie die dag-tot-dag werkkaarte merk nie, beteken nie dat dit nie gemerk moet word nie. Ons moedig u aan om die daaglikse werkkaarte na te gaan en vir u kind terugvoer te gee.
Indien u onseker is oor enige antwoorde, is u welkom om ons te vra—ons sal so vinnig as moontlik help.
4) Wiskunde-antwoorde en ekstra ondersteuning (Graad 7–9)
Die antwoorde vir Grondslagfase en Intermediêre Fase Wiskunde is reeds gelaai.
Op versoek van baie ouers gaan ons ook ekstra stemnotas en video’s by Graad 7–9 Wiskunde voeg om u verder te ondersteun en Wiskunde makliker te maak om te fasiliteer.
Ons het reeds Dag 1 gelaai, en die res sal vanaf vandag op ’n uitrolbasis gelaai word. Die eerste twee weke word beplan om voor die einde van die week gelaai te wees.
Laat weet ons asseblief of hierdie ondersteuning u help met die aanbied van Wiskunde.
5) Kodering & Robotika (Vlakke 1–7)
Ons sal hierdie kwartaal voortgaan met die verdere uitrol van Kodering & Robotika Vlak 7.
Onthou asseblief: Kodering & Robotika word as ’n afsonderlike vak aangebied, onafhanklik van die dag-tot-dag program. Dit beteken u kan u kind by ’n laer vlak laat begin indien nodig.
Sleutelpunte:
- Elke vlak (Vlakke 1–6) dek ’n volle jaar se werk, maar u kan dit teen u eie tempo voltooi.
- Elke vlak word apart geassesseer en het sy eie bevoegdheidsertifikaat.
- U kan die taal vir Kodering & Robotika kies, en dit hoef nie dieselfde te wees as u kind se dag-tot-dag programtaal nie.
- Dit is gratis vir vol-lede van OPSA.
Indien u nog nie u kind geregistreer het nie, doen dit asseblief hier:
https://opsa-education.com/register_coding-and-robotics
6) OPSA oorweeg omskakeling na ’n NPC (Nie-winsgewende Maatskappy)
OPSA oorweeg dit om binne die volgende 12 maande na ’n NPC (Nie-winsgewende Maatskappy) om te skakel. Indien ons voortgaan, is die doel om die voordele vir die tuisonderriggemeenskap uit te brei deur sterker bestuur/voorskrifte (governance), beter toegang tot vennootskappe en moontlike befondsingsgeleenthede, en om te verseker dat enige surplus weer belê word in beter hulpbronne, ondersteuning en groter gemeenskapsbereik.
Ons sal opdaterings kommunikeer soos die proses vorder.
7) Dankie vir betydse betalings en ’n belangrike verwysingsnota
Dankie aan alle lede wat hul ledegeld betyds betaal. Dit help ons nie net om die diens bekostigbaar te hou nie (soos u weet, ons het die fooi hierdie jaar verlaag van R290 na R275), maar ondersteun ook voortgesette verbeterings aan ons diens en stelsels.
Gebruik asseblief u kliëntnommer (soos op u staat aangedui) as betalingsverwysing wanneer u betaal. Ons het tans 5 ongeallokeerde betalings sonder ’n verwysing.
Indien u meen u het ’n betaling gemaak wat nie korrek weerspieël word nie, laat weet ons asseblief sodat ons dit aan die korrekte lid kan allokeer. U kan e-pos stuur na finance@opsasupport.co.za.
8) Ondersteuning en reaksietye
Ons inkassie is steeds sterk opgehoop (tans meer as 700 onbeantwoorde e-posse). Ons vra omverskoning hiervoor. Die beste manier om ons te kontak is via WhatsApp of ’n telefoonoproep.
Ondersteuningsure:
Maandag–Donderdag: 08:00–14:00
Vrydag: 08:00–12:00
WhatsApp / WhatsApp-bel: +64 274 644 903
Landlyn: 011 083 5099
Ons ondersoek maniere om ons ondersteunings- en kommunikasiekanale te verbeter en sal opdaterings deel sodra ons ’n oplossing geïmplementeer het.
Slotgedagte
“Konsekwente onderwys—klein stappies wat getrou volgehou word—bou lewenslange leer en blywende selfvertroue.”
Vriendelike groete,
OPSA Ondersteuningspan