Termyn 3 Assessering Nou Beskikbaar
- Bevestig Asseblief U Kind Se Registrasie
Beste OPSA Ouers en Tutors,
Ons is bly om u in te lig dat die Termyn 3 assesserings nou oopgestel is en beskikbaar is.
Alhoewel ons groot sorg gedra het om registrasies akkuraat te doen, besef ons dat daar met die groot aantal leerders 'n moontlikheid van foute kan wees.
Neem asseblief 'n oomblik om te bevestig dat ons u kind vir die regte assessering in die regte taal geregistreer het.
Indien u enige afwykings opmerk of as 'n verandering nodig is, laat weet ons asseblief so gou as moontlik sodat ons die nodige aanpassings kan maak.
Neem asseblief kennis dat die beskikbaarheid van die assessering nie beteken dat u kind onmiddellik moet begin nie. Hulle behoort eers te begin wanneer hulle heeltemal gereed voel.
Ons is tans besig om die rapporte te programmeer, wat ons verwag teen die einde van volgende week beskikbaar sal wees.
Ons wens u en u kind alle sukses toe met die komende eksamens.
Vriendelike groete,
Dreyer Lötter
MD: Online Parent Support Association (OPSA)